A presente actividade ten como obxectivo facer unha pequena achega para reducir a innegable desigualdade entre homes e mulleres que se rexistra aínda hoxe nos manuais de Historia. Durante séculos, o papel da muller no desenvolvemento da Humanidade foi, cando menos, minimizado e, en moitas ocasións, ata silenciado.
Por iso, esta actividade consistirá en poñer en valor a mulleres que xogaron un papel destacado ao longo da Historia e, malia a todo, na maioría dos casos seguen a ocupar un lugar secundario na mesma.
O traballo consistirá nunha biografía dunha muller do listado seguinte, ou calquera outra proposta por vós, que exercera durante a súa vida un importante labor para o progreso social. Cada un dos traballos deberá conter, cando menos, unha breve biografía, un apartado dedicado á súa achega máis destacada a nivel histórico, e unha valoración sobre a súa influencia no mundo actual.
Os traballos se realizarán en parellas e deben entregarse antes do 10 de febreiro por electrónico (aoutraclase@gmail.com) e se exporán despois diante do resto de compañeiros e compañeiras nos días que estableza o profesor.
Algunhas das posibles protagonistas dos vosos traballos poden ser as seguintes:
Olympia de Gouges
Catalina II de Rusia
Charlotte Corday
Emmeline Pankhurst
Marie Curie
Simone de Beauvoir
Frida Kahlo
Rosa Parks
Valentina Tereshkova
Alexandra Kollontai
Benazir Bhutto
Dolores Ubárruri
Victoria Kent
Clara Campoamor
Harriette Mill
Indira Gandhi
Victoria I de Inglaterra
Rosa Luxemburgo
Margaret Thatcher
Mary Wollstonecraff
Amelia Earhart
Camile Claudel
Isabel II (de España)
Isabel II (de Inglaterra)
Federica Montseny
Margarita Nelken
Carmen de Burgos
Elisabeth Blackwell
Dolores Aleu
Jane Goodall
Ademais deste listado, non exhaustivo e, polo tanto, susceptible de ser ampliado coas vosas propostas, podedes tamén centrarvos en mulleres viguesas ou galegas que contan cunha rúa na nosa cidade; nomes como os de Rosalía de Castro, Concepción Arenal, Maruja Mallo, Emilia Pardo Bazán, Urania Mella ou Olimpia Valencia son só algúns dos preto de 50 recoñecidos no noso rueiro. Cifra, en calquera caso, moi alonxada da dedicada aos homes; no entanto, a proporción respecto á de rúas dedicadas a personaxes masculinos segue a ser moi baixa (arredor dunha rúa con nome de muller por cada seis de home).
Respecto a isto, un grupo de estudantes do colexio Las Acacias realizou un interesante traballo localizando boa parte destas rúas nun mapa de Google (podedes ler aquí unha noticia sobre o seu traballo publicada no Faro de Vigo). Se optades por elixir algunha destas mulleres, podedes buscalas no citado mapa: